منتدى ابطال المبارزة
السلام عليكم
عزيزي الزائر اذا كنت عضو معنى من قبل نتمنى ان تسجل دخولك واذا لم تكن نتمنى منك التسجيل اذا ارة
علما بان تم اخفاء بعض الاقسام عن الزوار ةاخفاء روابط التحميل


Hello Visitor meaning if you are a member of We hope that before you sign and if they were not wish you to register if the ball has been hidden note that some sections of the visitors Pakhva download links



 
الرئيسيةالــبوابـــــةس .و .جبحـثالأعضاءالمجموعاتالتسجيلدخول
 


شاطر | 
 

 باب الحاره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
bosif mery
.
.
avatar

ما هي ديانتك : مسلم
ذكر
عدد الرسائل : 2677
العمر : 25
المزاج : سعيد
المملكة : النور
عدد نقاط التشريح : *********
تاريخ التسجيل : 01/06/2008
نقاط النشاط : 4435
تقيم الاعضاء لمواضيعي : 203

مُساهمةموضوع: باب الحاره   الإثنين أغسطس 24, 2009 4:22 pm

[ندعوك للتسجيل في المنتدى أو التعريف بنفسك لمعاينة هذه الصورة]
كما وعدتكم سابقا سوف احاول جلب لكم كل ما يخص باب الحاره
يلله
وهذا أول خبر

منقول عن أحد الكومبارس المشاركين

في باب الحارة 4

بسم الله

أنا بحياتي ما اشتغلت بالتمثيل
بس والله ما كانت لا على البال ولا على الخاطر
من كم يوم اجاني رفيقي وقلي شو رأيك ابو السلم نروح نشوف كيف بيصوروا مسلسل باب الحارة قلتلو منروح
والله رحنا و أول ما دخلنا على الحارة يلي عم يصوروا فيها بمنتزه القرية الشامية على طريق مطار دمشق الدولي فوتوني على غرفة الملابس وقال انته طويل فوت البس تياب درك
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
انا ما قلت لاء دخلت ولبست تياب درك وطلعت و سلموني بارودة حقيقية واخدوا مني هويتي الشخصية و بعدين صاروا يوزعوا علينا الأدوار انته بتوقف هون وانته هون و شفت المخرج بسام الملا و ابو جودت رئيس المخفر (الممثل زهير رمضان ) وجناب الكومندان( المسؤول عن الدرك الفرنسي ) و الرقيب يلي اخد دوره الممثل علاء قاسم و الممثل فايز القزق يلي بياخد دور ابن الحارة المغترب بفرنسا يلي اله علاقة و صداقة مع المندوب السامي بفرنسا ورح يتوسط عنده حتى يفك الحصار عن الحارة
صحي نسيت قلكن انو الدرك رح يحاصر الحارة بعد احداث الحلقة الاخيرة من الجزء الثالث و رح ينصب خيم حول الحارة و عربات جند وجنود الدرك - وانا طبعا مثلت دور واحد منهم - متأهبين دائما للهجوم عالحارة
وصلت على المنتزه حوالي الساعة الواحدة ظهرا بس استغربت انو معاملة موظفين شركة الانتاج كانت مو جيدة و احلى نهفة لما خلصنا تصوير حوالي الساعة 1.5 بعد نص ليل اجا صاحب رفيقي يلي رحت انا وياه و صار يعطينا اجرتنا _ هههههههههههههههههه_ انا رايح اتسلى و بدهن يعطوني مصاري كمان بس النهفة مو هون
النهفة اديه رح يعطونا
أعطوا كل واحد من الدركيين 300 ليرة اجرة يعني حوالي 6 دولارات عن يوم كامل
والله انا مو فارقة معي وما رضيت اخدهن بس المصيبة باللي جايين يمثلوا وراضيين ياخدوا هيك مبلغ قليل جدا على تعب اكتر من 16 ساعة بدون راحة وبدون اكل - على فكرة الشباب جايبين معهم سندويش وانا مو اخد معي شي ومنيح انو دبرولنا سندويشة على الغدا - يعني استغربت مسلسل باب الحارة والملايين يلي عم يحصلوا عليها
و الشهرة وكل هاد على 6 دولار
هلأ شيلونا من سيرة المصاري و بخل شركات الإنتاج و تعالوا لقلكن شو كان دوري بالمسلسل
بعد عدة لقطات كنت فيهن جندي دركي متأهب وبندقيته موجهة باتجاه شبابيك الحارة تحت وطأة شمس قوية ذكرتني بأيام الجيش و بعد عدة استراحات صار المسا و أشعلوا النار حوالي الخيم و صار التصوير اجمل وامتع سألونا مين ما رح يجي مرة تانية
قلتلن انا
قال بتعرف تمثل انك انصبت بطلقة ووقعت
قلتلن اي بعرف
قال طيب انته رح تكون اول مصاب من الدرك لانو الثوار رح يهاجموا الحارة عالاحصنة وانته رح توقف على الحاجز و عند اول حصان بيمر وبيطلق نار لازم تنتبه و عند تاني حصان لازم تطلق رصاصة - خلبية طبعا يعني صوت وبس - و لما بيمر الحصان التالت وبيطلق النار لازم تنصاب وتوقع و بعد عدة محاولات تصوير خاطئة -طبعا العطل مو من عندي العطل من الثوار يلي راكبين عالاحصنة ما عم يعرفوا يطلقوا وهنه راكبين وراكضين- ظبط المشهد و انصبت ووقعت على الارض
و في مشهد تاني بيوقف فيه الرقيب - يلي هوه الممثل علاء قاسم بحاجبه المغطى ببياض على الجانب -بيوقف عند حاجز الدرك و انا رايح جاية وراه عم بحمي الدرك
والله كان يوم حلو وممتع بس متعب جدا
مغامرة و تجربة جميلة بس ما بتمنى انو حدا منكم يكون مكاني لانو رجعت عالبيت بعد نص ليل مرهق جدا
بعض اللقطات يلي صارت امامي :
ابو جودت وهوه عم يعتذر من جناب الكوماندان و عم يقول عن اهالي حارة الضبع انهم متل العفاريت عم يهربوا رغم الحصار
ايو جودت بيوصل لعند الحاجز وبيقول للجندي : روح قول لجناب الكوماندان انو ابو جودت رئيس مخفر الاربع حارات وصل و بيعمل كم حركة من حركاته يلي بيضحكوا
لقاء المغترب - الفنان فايز القزق - مع الكوماندان بحضور ابو جودت و الرقيب و ابو جودت كان متدايق لانو هاد المغترب رح يقدر يعمل واسطة مشان فك الحصار
الفنان فايز القزق لما بيتأهب ليدخل عالحارة و ابو جودت عم يحذره من اهل الحارة لانهم ما بيحبوا الغريب و المغترب عم يطمأنه ويقله هي حارتي يا ابو جودت لا تخاف
سمعو الدركي الهارب يلي سرق فرد ابو جودت بالجزء التالت انضم للثوار وصار يهاجم الدرك
ابو حسن عم يقود الثوار للهجوم على الدرك و اعتقد هوه غريمي يلي اصابني

[ندعوك للتسجيل في المنتدى أو التعريف بنفسك لمعاينة هذه الصورة]


<br>
الرجوع الى أعلى الصفحة اذهب الى الأسفل
jayden-yuki
.
.
avatar

ذكر
عدد الرسائل : 67
العمر : 22
المزاج : جايدن يوكي
المملكة : النور
عدد نقاط التشريح : 10
تاريخ التسجيل : 23/06/2009
نقاط النشاط : 217
تقيم الاعضاء لمواضيعي : 1

مُساهمةموضوع: رد: باب الحاره   الإثنين أغسطس 24, 2009 5:30 pm

ربنا إخليك لينا بانتضار جديدك
الرجوع الى أعلى الصفحة اذهب الى الأسفل
هيناتا
.
.
avatar

انثى
عدد الرسائل : 154
العمر : 23
المزاج : anime
المملكة : النور
عدد نقاط التشريح : 15
تاريخ التسجيل : 17/08/2008
نقاط النشاط : 266
تقيم الاعضاء لمواضيعي : 1

مُساهمةموضوع: رد: باب الحاره   الثلاثاء سبتمبر 22, 2009 12:30 am

شكرا لك وسلمت يداك عل الموضووووع واصل ابداعك
الرجوع الى أعلى الصفحة اذهب الى الأسفل
bosif mery
.
.
avatar

ما هي ديانتك : مسلم
ذكر
عدد الرسائل : 2677
العمر : 25
المزاج : سعيد
المملكة : النور
عدد نقاط التشريح : *********
تاريخ التسجيل : 01/06/2008
نقاط النشاط : 4435
تقيم الاعضاء لمواضيعي : 203

مُساهمةموضوع: رد: باب الحاره   الثلاثاء سبتمبر 22, 2009 2:39 pm

العفو نورتي موضوعي


<br>
الرجوع الى أعلى الصفحة اذهب الى الأسفل
 
باب الحاره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابطال المبارزة :: اهلا رمضان :: مسلسلات رمضان Ramadan Programs-
انتقل الى: